موّال زاد الأسى

هذا زمن بالحسرات مليانْ
كلّه غُبُنْ والفهمان حيران

زاد الأسى والناس في ظلمه كبيره

وفوق الأذى عانوا من الحرمان

هذا زمن للفسّاد نعمه جزيله

عليهم الخير وافر والشعبْ غلبان

محروم غير من شمّ الهوا بأنفين

كثر الضريبهْ أنهكتْ كاهلْ الإنسان

ما عاد يقدر عشرب المي بالحي سكان

ولا مصروف يكفي ولا الأرزاق وجدان

غير الوزير بن الوزير ما حدْ عايش

مثله ترى الأسياد والنواب والأعيان

الشعب ماكل هوا ودايخ ومحروم

وضعه صعُبْ وما حدا بحالته درْيان

أهل الحراك ملّوا طالبوا بإصلاح

ما حد سمع لاقاهم الويل والسجّان

وصارتْ الناس تتذمّر من الفُسّاد

وتتظلّم من اللي يصير والعيشه أمان

يا رب يا عالم الأوضاع والأحوال

زاد الأسى والجور وعالخمّار إدمان

وزاد القتل والتدمير في ديرة هلي

القدس تبكي والأقصى يصيح يا فرسان

والعرب مفككه أوصالها من الجور

وبغداد تقطر دما والشام نيران

والغرب مسعور بده منا بلايين

والعرب تقتل بعضها والنجده أمريكان

صرنا بحالة ردى ماعاد فينا فود

يا حيف يا اللي جرى وصار بالعربان

دول فايضها بلايين وبالغرب إيداع

والجوع قاتل كثير منّا والجيل تعبان

وين الفرح مات الأمل ولّى الصبر

شوف الأسى زاد في أسوأ الأزمان

********

23/6/2014