موّال يا حيف يا اللي جرى

صار الوطن أحلى سكنْ لأهل الشرقْ والغربْ

وتزايدوا الزوار أكثر من السكان يا عُرْبْ

وصار المواطن بالمذلّه, مايلقى عنه ضرْبْ

في مركز ثقافه مرموق يا ناس تمّتْ حرْبْ

أول الغيث قطرة ويمكن كثير على الدرب

زاد الوجع وكِثْرْ الالمْ وحلّ الأسى والكرْب

يا حيف يا اللي جرى صارالبعض مثل الجُرْبْ

والمال والبترول برفع خشوم كثير وبدهم جلب

يا ناس هذا البلد مضياف والْهُمْ صار أحلى قلْبْ

شو راح يَسَعْ زادوا عن السكان وكِثْرْ الحَلْبْ

ناس استملكوا بعبدون ودير غبار بفِعْل السلْبْ

واللي مثلي ضاع يا حسره وبات يحلم بأكلة زربْ

نادوا لوصفي التل يشوف الحال عن قُرْبْ

ونادوا هزاع المجالي إذا شحّت مياه الشُرْبْ

نفسي أحسْ اصلاح واتنسم عَدلْ كالغرب

ربي تحمي الوطن والأهل, وتنير لينا الدرب

ونعيش بكرامة الأحرار وما ننهان يا رب

*****

22/5/2013